【Now財經台】蘋果公司(Apple Inc.)出咗季績後，受集團宣布歷來最大規模回購計劃刺激，股價盤後一度飆7%，更帶挈港股嘅瑞聲科技(02018)今日(3日)開市早段走強，但其後升幅不斷收窄，Apple行政總裁庫克(Tim Cook)話睇好集團下季會開始復甦，依家Apple收入佔比最大嘅瑞聲係咪最受惠？
紅蟻資本投資總監李澤銘指，受惠於人工智能(AI)手機，加上市場對聲學產品有憧憬，對零部件廠商嚟講，技術愈成熟貨品單價就愈低，相關廠商嘅毛利率亦會下跌，如果Apple產品真係加入AI元素，就需要有更清晰嘅語音系統，對瑞聲來講係一個新機遇。
Alan又話，聲學系統升級後，意味瑞聲未來定單嘅單價都有得升，新設備方面，一般供應商都願意為上游生產商提供更高毛利率，對於瑞聲聲學業務，不論單價或毛利率都會有一個新憧憬。
