【Now財經台】友邦保險(01299)好倉最少連續5日有資金流入，合共有逾3900萬元資金坐貨，今朝(18日)成交活躍嘅CALL都係較長身，9月至10月到期，槓桿7至9倍。雖然友邦股價暫時連續第2日反彈，但仍未確認真係轉勢，係咪都建議揀返槓桿唔算低，又有防守力嘅CALL？
星展香港環球金融市場上市產品主管周國威指，友邦股價跌咗成個月，3月中開始資金逐漸流入好倉，導致依家有唔少CALL都係高街貨，如果依家開倉部署反彈，除咗睇行使價及年期，仲要揀街貨少啲嘅CALL。
條款方面，行使價50元至60元行嘅友邦CALL，已經係較貼價嘅選擇，年期方面，去到2025年都有，比較多人揀係今年9月至10月到期，槓桿7至8倍。如果見到友邦股價波動，想避免收回風險，可以選擇行使價50元至60元，9月至10月到期，槓桿約8倍，但最重要係揀街貨少。
