【Now財經台】截至早上11時止，1小時內《彭博》用戶搜尋量最多港股，依次為友邦保險(01299)、領展房產基金(00823)、新奧能源(02688)、新世界發展(00017)及港交所(00388)。
友邦股價持續弱勢，今日(12日)更跌穿50元，跌至逾6年半低位，到底係咪原因跌到咁？係咪同近期保監局及廉署展開聯合行動，打擊懷疑向內地旅客無牌銷售保單有關？
大華繼顯執行董事梁偉源指，友邦出完全年業績後，股價係1個月內由65元急挫至49元水平，市場普遍認為同回購因素有關，擔心下次回購規模會縮水。其實集團新業務去年增長唔錯，但股價都跌到咁，的確令市場意外，加上保監局同廉署聯合執法，更令市場恐慌情緒加劇。此外，友邦業務增長以本港為主，過去亦有內地旅客來港投保，但最近內地大客愈嚟愈少，所以市場擔心佔比最大嘅本港業務今年第1季會轉差。
不過，摩根大通認為，友邦不利因素好快緩和，又話公司估值平，咁係咪可以趁機撈底？Steven表示，雖然本港業務增長放緩，但好多內地投保可能都會揀友邦，加上外幣保單亦有需求，所以本港連同內地嘅業務增長唔會大幅放緩，而印度業務增長快速亦係另1個利好因素。至於依家應唔應該買入，Steven就話…
