【Now財經台】長實集團(01113)跟港鐵公司(00066)合作發展嘅黃竹坑新盤Blue Coast，預期下周開價勢成市場焦點，政府「撤辣」後，會點影響呢個盤嘅定價？
紅蟻資本投資總監李澤銘指，呢個項目本身地價高，市傳成本呎價28000元，雖然同區樓價處於相對偏高水平，但喺依家嘅經濟大環境下推盤，無可避免要有一定折讓，若開價每平方呎29000至30000元，只可以做到平手或蝕少少，佢又估計，Blue Coast銷情會對長實股價有一定影響。
高盛指，長實2021年3月底公布業績時減少派息，其後股價向下，但好快就出現反彈，結果全年埋單升28%，今次會唔會出現同樣情況？Alan就話，兩者唔可以直接比較，不過，長實股價落到現水平，估值有一定支持，但估計唔會出現迅速反彈情況。
