【Now財經台】長實集團(01113)昨日(21日)放榜，去年賺逾173億元，派末期息1.62元，全年合共派息2.05元。集團指，本港經濟已有復甦跡象，「撤辣」後住宅市場升溫，樓市未來向好嘅機會較大，又話樓市仍有剛性需求，未來會繼續由房屋政策及利率走向主導。有貨冇貨嘅投資者，業績後應該點部署？
博威環球證券金融首席分析師聶振邦指，依家長實依家股息超過6厘，而股價亦處於一個吸引水平，如果估中長線投資，持貨2至3年，現價買入嘅風險都唔算大。佢又話，睇返近1年股價走勢，相信利淡因素已經反映晒。此外，由於本港地產市道偏弱，投資者對派息方面宜較審慎。
