【Now財經台】京東集團(09618)日前公布去年第4季業績,全年收入按年增長約4%,經調整純利升約10%至84億人仔。雖然經調整淨利率按年升10個基點,但已經低至2.7%,野村證券亦警告,京東今年利潤率或受壓,原因是京東自去年中起加大投資,例如增加補貼及降低免運費的門檻。
京東一直面對阿里巴巴(09988)、拼多多等同業競爭,勝利瑞柏基金管理合伙人暨投資總監陳建良表示,呢份業績側面反映內地嘅內捲情況已蔓延到網購行業,又指內地電商市場已進入全面競爭狀況。佢認為,內捲係未來大趨勢,因為內地政府樂見電商業界內有一定競爭,當各電商平台打價格戰吸客,普羅大眾可以從中受益,用更低廉嘅價格買到商品,提升整體生活水平。
KL續指,嗶哩嗶哩(09626)亦面對同樣情況…