【Now財經台】機械人概念半新股優必選(09880)今個星期納入港股通，股價連日爆升，兩日累升2倍，股價今日(7日)大幅波動，一度狂飆逾61%，高見328元，但午後一度倒插9%，低見184.2元，今年嘅政府工作報告重點落喺科技創新及人工智能(AI)，刺激A股喪炒AI概念，而港股代表就係優必選，呢隻似乎食正國策嘅股份係咪值得憧憬？
艾德金融聯席董事陳政深指，需求係睇有冇主題及資金，即使本身供應唔多，但隨著納入港股通令需求增加後，都可以令股價急升。
Ryan又指，國策對內地資金嚟講可能仲有吸引力，但對外資嘅吸引力就愈來愈細。佢續指，炒國策難度高之餘，亦有一定風險，優必選股價爆上主要係突然多咗資金掃貨，推高股價，加上貨源少，會令股價火上加油。
