【Now財經】雖然港股今日大跌，但3大中資電訊股表現硬淨，花旗今日(5日)唱好中資電訊股，其中點名聯通係最有潛力提升股東回報，有望提升派息比率，但派息比率而言，估值又最平，係咪因為呢啲原因，聯通有追落後嘅條件？
華盛證券財富管理部董事李偉傑指，市場期望「中特估」未來可以增加回購及派息，帶動估值上升，3大中資電訊股中，依家聯通派息比率僅約40%，中國電信(00728)及中國移動(00941)派息比率就逾60%，聯通係有機會「追落後」，但要留意集團有冇足夠資金，因為聯通流動資金僅約500億元，中電信就有逾700億元，中移動更有過千億，但睇埋聯通資產負債率，現金係比另外兩間公司少。
Jason又指，聯通業績改善情況比中電信更好，若情況持續，的確有機會增派息比率，但值得留意係，集團未有就提高派息比率有一個明確指引，佢認為係合理，原因係...
