【Now財經台】回顧高息股9月表現，其中，表現最差包括中電控股(00002)、中國電信(00728)等公用股，以及長江基建(01038)及電能實業(00006)，近期股市大旺，公用股表現跌Watt，但上月跌幅唔算太誇張，公用股後市會點走？
香港大學房地產及建設系客席副教授楊書健指，公用股向下似乎係換馬行動，因為公用股係低Beta股，當股市大升時，基金經理一定要沽低Beta股，避免基金跑輸大市，導致公用股沽壓湧現。
至於長建及電能，因為派息穩定，加上市場炒美國開始減息，長建有第二上市消息，令呢兩隻股份喺7月至9月炒過一段時間，雖然近期顯著回落，但今年計，仍跑贏系內及其他公用股，反映仍然係穩健之選，如果仍有正回報，佢建議唔需要因短期跌勢而沽貨，可以作為長線投資。
