【Now財經台】騰訊控股(00700)係上周最多資金流入嘅個股,5日合計有約7500萬元坐緊貨,騰訊近期股價比較弱勢,熱門CALL普遍價外20%至30%,短身CALL槓桿可以做到10倍,差唔多槓桿嘅牛證收回價約250元,如果想部署好倉博反彈,應該用咩條款嘅產品?
中信里昂股權衍生品銷售經理李佳原指,連續7日都有資金淨流入騰訊好倉,上周有7500萬元資金流入,已經係近期唔錯嘅數字,而大部分都係部署CALL輪。「兩會」今、明兩日(4日及5日)開幕,或會有政策消息,如果有令市場驚喜嘅消息傳出,騰訊引伸波幅或會抽升。目前,熱門CALL嘅條款都值得考慮,除咗股價或有得升,引伸波幅都有機會出現驚喜。