【Now財經台】港交所(00388)去年及第4季業績都略差過預期，但收入、其他收益及溢利都係歷來第2高，第2次中期息增6%至3.91元，全年合共派息8.41元，增近18%。此外。投資收益14.8億元，2022年就錄得虧損，呢份業績又收唔收貨？
艾德金融聯席董事陳政深認為，雖然投資收入同預期有出入，但已經係唯一亮點，起碼都算有貢獻，值得留意係，當中有唔少係定息產品，因此，股東應佔溢利跌近18%。不過，Ryan認為，港交所控制支出做得唔錯。
Ryan認為，港交所今次派息只得3厘，吸引力的確算低，對股東嚟講，同造定期存款差唔多，但又唔可以話唔合理，始終公司真係賺少咗，因此，即使同過往比較係派少咗，但仍然係合理。
