【Now財經台】攜程集團(09961)今日(22日)開市前出咗業績，受旅遊活動重啟帶動，集團去年多賺6倍，雖然上季純利出現倒退，但經調整純利約27億人仔，遠勝預期，攜程股價今日愈升愈有，升穿350元，創新高，集團話，睇好全球旅遊業增長趨勢持續，攜程股價仲有幾大上望空間？
艾德金融董事陳政深表示，疫情後，內地旅客嘅消費行為已經同疫情前唔同咗，依家旅客較著重深度遊及探險式旅遊，已經冇咁著重純消費遊，因此，內地旅遊相關經濟數據表現一支獨秀，攜程去年內地市佔率逾50%，所以呢份業績算係符合預期。
股價方面，Ryan認為，依家攜程估值唔算平，仲出現超買情況，所以有機會出現回調，不過，整個旅遊行業今年仍有憧憬，因此，攜程股價仍有向上動力。
