【now.com財經】噚日揀咗隻恒指牛(50064)出嚟，平均買入價為0.063元，借五分鐘圖10線作為量度線；同步Alert住日線圖條100天線。
下半場開場後始見指數都開始唔多夠力，去到1點20分左右，見指數向下回落失守10線，按策略的話(50064)響起咗走貨訊號。如常的用作走貨時間的話，即於1點20分至1點30分走(50064)，期內(50064)高低位做過0.073元/0.067元，平均走貨價為0.07元，換言之呢一注平均有7格或11.11%賺幅。
而噚日下晝指數於午前做過嘅高位16,756點起步向下行，作戰室喺下半場即市出淡倉應市，皆因見到日線圖100線16,783點，同高位只係爭27點，低走咗半日之下，喺日線圖上見指數高位於100線前出現上影線，暫且反映指數都係未有能破位；不過咁，由1月22日起至依家日線圖上嘅「上升通道」就仍然健在，同樣地噚日高位掂到「上升通道」頂線之後向下回落。如果恒指喺往後嘅日子都可以Keep住喺呢度「上升通道」裡面Swing住咁運行的話，其實破位之日亦指日可待。
今早恒指開市報16,489點，微跌13點，五分鐘圖上見指數沿住噚日半場條「下降通道」再落。但等到正式開市之後，指數即時抽高見倒升，依家只係開咗市4分鐘，恒指一度倒升見升逾50點樓上，技術上於低位有出「穿頭破腳」，呢啲樣出好倉都真係符合技術分析策略，不過最終都要等成形同埋過埋五分鐘圖10線，甚至係20線先比較安全。
嚟到依家10點10分，終於都等到指數有一個明顯少少嘅方向出現，五分鐘圖上見開市至今指數兩度未能企穩於中軸之上，並終於見向下穿過五分鐘圖100線之餘，連小時圖10線都稍過，作戰室淡倉小注試水溫出動，借返小時圖10線作上方量度線。
至於睇專欄嘅，繼績以小時圖做Trade，恒指熊(65391)，收回價16,900點，同現價有約350點企返近少少係因為借高少少槓桿，目前見有約36.78倍，呢注淡倉比出純綷真係借小時圖指數同Slow STC(14.3)向下Swing落去，未到中軸前借返之前V彈頸線條16,408點線作量度線，今日都係宜且戰且走。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
