【now.com財經】噚日恒指低開低走之後，幾乎全日以一個低波幅走勢運行至收市，啱呀，喺收市後再完埋個競價，指數忽然抽升多40幾點，至令全日升91點收市；而喺五分鐘圖上見指數亦出現一支「大陽燭」收尾，令恒指於日線圖上繼續站於50線以上水平。
再睇埋小時圖，噚日小時圖最後借中軸行出「小圓底」，以噚日指數收市價計，算是剛好企於「小圓底」頸線之上，Slow STC(14.3)兩線未到超賣已經出咗觸底。不過，恒指完U後見先跌66點開市，少少擔心條Slow STC(14.3)會唔會向下再搶低多少，順便拉指數反方向下行。
及至正式開市，的確喺開市後指數向下再落，不過喺五分鐘圖上指數不消1分鐘時間只係用條下影線向下穿過100同150線後，跌轉升向上炒高，作戰室變陣以好倉應市。打一打個電話去Apple Support再幫我Book Genius Bar，收線後見戰友先後報喜，怪不得啦，指數係咁去，小時圖上見今日首半小時以「大陽燭」重新上返去之前畫嘅V型反彈頸線位，再等到依家10點8分，恒指仲剷到上16,500點樓上。
開心到有少少開始盲追好倉，幸得戰友提醒，換返個日線圖出嚟，重新再畫多次嗰條「超大型下降通道」，喂！咁啱上到「超大型下降通道」嘅頂線嘅？搞錯呀！同步咁啱指數上到16,500點樓上，但仲未全數吞晒16,500至16,599點呢層肥熊喎，咁食定唔食呀？
依家10點16分，五分鐘圖剛剛喺16,525/16,526點呢個位出咗「平頂」，同步保歷加通道底線有見向上，換言之指數同Slow STC(14.3)係有可能開始觸頂行Swing，但今日指數實在太升得啦，先睇返指數於最近嘅10線有無支持先，先支持再比好倉唔反對，借指數用保歷加頂線同10線向上搖；啱啱mark個「平頂」小心一下啦，希望今年指數真係生生性性，可以破得到條「超大型下降通道」啦。
恒指牛(50064)，收回價16,050點，同現價有約420點距離，槓桿有約31.67倍，屬市場第三貼價牛，始終指數上到「超大型下降通道」嘅頂線都要比少少面嘅，企後少少但有31倍幾槓桿都唔差啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
