【Now財經台】截至早上11時止，1小時內《彭博》全球用戶關注度上升最多首5隻港股，依次為歐舒丹(00973)、華虹半導體(01347)、新鴻基地產(00016)、中芯國際(00981)、富力地產(02777)。
昨日(6日)市傳私募基金黑石集團(Blackstone)考慮收購後，歐舒丹今朝近乎平開後一度急升逾2%，高見28.5元，惟股價其後偏軟，半日收報27.9元。
不過，歐舒丹嘅基金股東Butler Hall Capital表示，集團股價最少值45元，並支持集團到美國上市釋放價值。資深證券分析師彭偉新分析指，現時歐舒丹嘅盈利增長能力麻麻，市場上平均睇28元，以多個估值方法計算，集團最高合理價值都係得44元，因此，唔認為公司被嚴重低估。
Castor預期，歐舒丹仲有約10%水位，升到30元已屬於高水平，唔建議現價追入。
