【Now財經台】截至早上11時15分止，1小時內《彭博》用戶搜尋量最多港股，依次為ASMPT(00522)、京東健康(06618)、海底撈(06862)、中國恒大(03333)及安踏體育(02020)。
晶片股今日強勢，AMD噚晚(30日)出咗業績，上季收入增長10%，超預期，帶挈中芯國際(00981)、華虹半導體(01347)股價今朝齊升超過3%，ASMPT更一度大升近7%，晶片股係咪純粹炒AMD業績？中芯、華虹升得相對少，係咪有追落後空間？
椽盛資本投資總監曾永堅指，AMD收益超預期，帶動喺香港上市嘅晶片股炒一轉，因為市場對行業整體需求及前景樂觀，加上晶片股已累積一定跌幅，所以今日借AMD業績炒返上去。
Jaseper又話，ASMPT近期表現突出，股價顯著上升，主要是為環球晶片製造商供應設備，加上受惠於未來整體晶片需求，ASMPT嘅前景相對明朗及穩定，至於其他晶片股短期可唔可以再上就仍要觀察。
