【Now財經台】南韓三星電子(Samsung Electronics)上季盈利按年大跌74%，但仍遠超市場預期，移動設備業務經營利潤更按季跌17%，依家舜宇光學(02382)及瑞聲科技(02018)分別有10%及逾4%收入來自三星電子，三星電子季績對呢兩隻手機設備股嘅業務前景有咩啟示？
南華金融集團副總監莫灝楠指，三星電子業務瓣數多，其中，由於手機廠商技術含量低，中上游廠商邊際利潤低，舜宇及瑞聲呢啲零件設備商嘅邊際利潤就更低。
Casper又話，消費性電子市場鬥減價，會對舜宇有好大影響，瑞聲方面，依家iPhone佔集團整體收入約43%，但近日有「最強蘋果分析師」之稱，天風國際證券分析師郭明錤睇淡iPhone出貨量，加上內地手機市場未明顯復甦，因此，即使舜宇及瑞聲股價之後有反彈，都唔建議投資者買入。
