【Now財經台】閱文集團(00772)掟6億人仔收購騰訊控股(00700)動漫平台，又宣布回購股份，刺激股價今日抽升逾10%，今次收購資產包括騰訊旗下動漫APP平台及IP資產、動畫項目、影視項目及從事動漫創作嘅米橙子90%股權，對騰訊嚟講，今次呢單deal係咪一個合理嘅業務部署？
英皇資本財富管理方案研究總監陳錦興指，今次藉收購進行業務整合，騰訊對呢啲業務嘅關注度唔高，反觀閱文做開網絡文學、電視電影等，收購騰訊呢啲平台後，可以產生協同效應，未來可以更專注打造更強嘅內容，以及發展具潛質嘅IP，變得更商業化之餘，更可加強變現能力。
Stanley續指，閱文2021年除稅前虧損淨額1.9億人仔，2022年已大幅收窄至1.11億人仔，相信2023年虧損會進一步收窄，明年甚至有機會扭虧為盈。
