【Now財經台】個別藥股今日逆市走強，內地上月傳出醫藥反貪，嚇到唔少醫藥股「跳水」，事隔逾1個月，消息已被消化得七七八八，唔少相關股份已收復失地，其中，雲頂新耀(01952)股價已連升3日，今日一度大升逾11%，市場睇好集團嘅腎藥發展，基本因素及相關消息係咪可以繼續利好股價？
英皇資本財富管理方案研究總監陳錦興認為，行業上月對反貪腐消息嘅反應過度，其實呢個行動主要目的係改善醫院內部制度，同藥企關係唔大。
佢又話，雲頂新耀新藥獲批係醫藥股一個重要催化劑，尤其腎病相關藥物特別受關注，不論市場潛力及規模都唔細，對投資者來講有一定吸引力，加上有簽訂授權協議等因素，對股價有一定推動作用，但股價升至現水平，喺高位難免會有啲反覆。
Stanley續指，雲頂新耀距離「甩B」仍言之尚早，收人需要有一定規模，業績亦要扭虧為盈，依家雲頂新耀14天RSI喺69水平，佢認為暫時唔適宜追入，同埋喺呢啲高位都會有獲利回套，有一定沽壓。
