【Now財經台】B仔股雲頂新耀(01952)股價今日(11日)一度炒高近19%，值得留意係，雲頂新耀上月底曾逆市升過一浸，因為集團同一家喺納斯逹克交易所上市嘅公司，簽訂合作及授權許可，獲得呢間公司用來治療腎炎藥物嘅獨家授權許可，並喺大中華區、南韓及東南亞國家開發、生產及商業化，資金今日再追入，股價已追上前頂，係咪反映市場睇好呢隻腎炎藥嘅發展潛力？
南華金融集團高級分析師莫灝楠指，呢隻腎炎藥要到2025年先有機會商業化，加上依家僅處於臨床實驗第2期，要推進藥品監督管理局申請仍然需時，所以股價今日抽升只係一輪炒作。
Casper又話，呢隻腎炎藥有幾大潛力仍有待觀察，將取決於臨床實驗所需時間、投入資金等，所以現階段下定論係言之尚早。
