【now.com財經】噚日全個facebook唔係林作就係莊思敏，間中見到張智霖，同保良局一樣都係咁星光熠熠。
今朝恒指開市微升11點，開報17,942點，到依家9點36分，恒指最多都只係跌40幾點，依家跌幅收窄至跌26點，喺作戰室仲未有動作，因為一早畫定線等指數行多兩步落到線附近之後，打算再觀察條線嘅力度，依家仲喺Testing，無方向出手同賭錢無分別，我諗晨早流流大家都唔想莊思敏：買乜輸乜。
睇咗幾日嘅中移(00941)，噚日將佢放咗入Watch list，事關都真係要留名等睇佢日線圖「雙底」破位。依家9點56分，指數跌緊75點，報17,854點，但中移逆市造好，升緊0.15元，報66.8元，仍然保持硬淨作風。過見到下方10天線抽緊上嚟，繼續放喺Watch list，等埋條10天線靠近返中移時，睇佢撐唔撐得起返個股價上去。
嚟到依家9點57分，恒指五分鐘圖上見整條保歷加通道已經轉向下，作戰室淡倉亦已出動，仲已經有戰友食埋，無計啦，牛熊證街貨圖見下方近牛的確近又多，下個星期又中秋又國慶，阿市拿拿聲吞多幾張期指提早放中秋亦好合理，只係擔心日線圖上指數又返落去17,800點附近見支持，托返上去Keep住窄窄嘅運行幅度。
再望多次個恒指五分鐘圖，整條保歷加通道向下的話，指數同Slow STC(14,3)喺下降通道裡面出Swing嘅機會變高，又係時侯兩手準備做Swing。恒指熊(54382)，收回價18,200點，同現價有300點左右距離，係一隻非常貼價、只適合做Day Trade嘅熊證，所以槓桿有成49.7倍咁高；恒指牛(52517)，收回價17,528點，同現價有約360點距離，槓桿有約33.76倍。
如常用返五分鐘圖配Slow STC(14,3)出觸頂/底嘅Swing Trade玩法去做；進取嘅，中間放多條10/20線出嚟，見有阻力嘅就出貨，反正有時Swing Trade都未必用盡保歷加頂底線嘅。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
