【股市脈搏】首程7月前段升幅化灰兼跌凸

【Now財經台】首程控股(00697)股價今日平開後，拾級而下，一度低見1.7元，跌7.6%，收市報1.71元，跌7%，跌至約5個月低位，過去兩日成交活躍，今日成交金額逾1700萬元。

首程股價7月初連續14日冇出現過陰燭，期間累升16%，及至7月中，集團接受首鋼資源所提出嘅回購計劃要約，但預期唔會有收益或虧損，所以唔使諗會派特別息，導致股價升升下又插水，最近兩日出現兩支大陰燭，7月前段嘅升幅已全部蒸發哂仲跌凸。