【Now財經台】郵儲銀行(01658)股價已連跌10日，累跌近11%，係主板中目前跌浪最長嘅股份。郵儲行今日一跌到尾，午後隨A股跌幅擴大，加上人仔再度轉弱，收市跌近2%，報4.78元。
摩根士丹利引述郵儲行管理層指，看好未來鄉村地區收入前景，當地基建投資亦會加速，將令郵儲行業務跑贏同業，目標未來鄉村地區的相關貸款佔整體貸款比重會由目前23%上升至35%至40%，平均收益率有5厘，可以抵銷其他受壓的業務。
雖然上周二(20日)人民銀行下調貸款市場報價利率(LPR)，但由於本月初大型內銀已調低存款息，相信減LPR利率對郵儲行都不會帶來太大壓力。
技術走勢方面，郵儲行股價連跌第10日，跌至逾兩個月低位，支持位暫時喺4.67元水平，郵儲行股息率達6厘，又有「中特估」概念，可能會幫到股價喺低位搵到短期支持。
