【Now財經台】領展房產基金(00823)世紀供股成為市場焦點，股價今日復牌急挫。至於細價股海鑫集團(01850)亦計劃供股，公司擬先「20合1」，合股後，再按「1供2」供股集資最多1.3億元。公司話，供股係為咗集多啲資金，希望未來接啲大單，係咪一個幾好嘅供股理據？不過，最吊詭係大股東冇承諾供股，供股成唔成事暫時似乎都係未知之數？
《香港股票財技密碼》作者梁杰文指，比起領展，海鑫呢個供股理由較有說服力，因為代表公司嘅生意愈做愈大，為加快公司發展步伐，因此，要供股集資。Mike又話，散戶會唔會供股，好視乎有冇公司嘅大股東或董事帶頭，但依家牌面上大股東冇話會供，因此，散戶處於兩難局面，喺資訊暫時唔全面嘅情況下，小股東的確有啲蝕章。
