【Now財經台】美團(03690)季績好過預期，股價今朝一度逼近150元，最新升逾6%，美團係呢兩日最多資金流入嘅個股，5日合共有8000萬元坐貨，不過，美團仍受騰訊控股(00700)派股陰霾困擾，如果用CALL博反彈，行使價係咪唔好揀得太遠？
中薇證券研究部執行董事黃偉豪指，美團今日都有個似樣嘅反彈，因為港股今朝都走強，科技股表現亦十分搶鏡，加上過去一段時間美團股價都跌咗唔少，但喺咪代表已擺脫弱勢，仍要再觀望一陣，雖然業績好過預期，但股價一直比騰訊減持陰霾壓住，所以適宜做較短線嘅操作，否則就唔係太值博。
