【Now財經台】招金礦業(01818)延續過去幾日嘅升勢，今朝高開後，一度升逾5%，高見6.11元，之後升幅收窄﹐收市報5.99元，升逾3%，全日成交金額逾9700萬元。
招金噚日收市後公布，增持山東瑞銀至70%，同日，紫金礦業(02899)亦宣布收購咗山東瑞銀30%股權。
山東瑞銀持有國內最大單體金礦海域金礦，而公司已獲得2021年7月21日至2036年7月21日嘅採礦許可證，暫時預期2025年開始投產，市場憧憬兩家公司可產生協同效應，刺激招金股價向上，不過，招金要等埋下周四出咗季績後，先知道股價可唔可繼續向上。
