【Now財經台】Tesla行政總裁馬斯克「彈弓手」，反口話會收購社交平台Twitter，消息一出，刺激Twitter股價抽升逾20%。艾德金融期貨部主管文錦輝認為，短期科技股會較傳統經濟股有更大反彈空間，因為實體經濟需較長時間復甦，科技股只靠「故事」已經可以吸引投資者，加上科技股已經跌咗好耐，佢認為，呢類消息可能會令港股嘅科技股略為回暖。
Felix又預期，港股今日會跟外圍升，但成交未必配合到升勢，可能出現「逃生門」後就「彈‧散」。佢估計，港股今日埋單最多升約800點，收市能企穩17600點已經唔錯，又話想趁低位反彈掃貨嘅投資者，可留意港交所(00388)、滙豐控股(00005)。
