【Now財經台】英鎊喺今朝亞洲交易時段一度失守1.04水平，拖累英國業務比重較大嘅相關嘅股份，包括滙豐控股(00005)、渣打集團(02888)香港股價一度急挫8%，英鎊係咪有機會步歐元後塵，兌美元跌至「1算」？
獨立市場策略師陳俊文指，好多投資者都係咁估計，因爲擔心英國點樣處理財赤、減稅等問題，呢啲因素都會令英鎊捱沽，但今晚似乎已初步喘定，依家市場睇緊英倫銀行會唔會出手干預匯市，但呢個諗法較一廂情願，因爲英倫銀行某程度上係唔應該干涉匯市太多，但投資者好懷疑喺高息、高通脹下，新政府推出嘅刺激經濟方案，可能令通脹火上加油，甚至令財赤問題更嚴重，因此，英鎊走勢短期仍會比較波動。
