【槓桿致勝】阿里牛收回價擺呢個位

【Now財經台】軟銀確認變相減持阿里巴巴(09988)股權，但阿里股價今朝照彈，一度上返90元樓上，阿里前幾日跌到87元水平都有幾大支持，投資者選擇收回價80元樓下、槓桿5至9倍嘅產品，即同現價有10元距離，算唔算安全？

摩根大通亞洲上市衍生產品銷售部主管張智卓指，阿里牛證倉位喺收回價80元有較多街貨，呢啲牛證槓桿約7至8倍，槓桿較一啲活躍阿里CALL輪高，但收回風險亦相對較高。佢又話，如果想做較保守部署，可以揀活躍嘅阿里CALL輪，可以避開收回風險，槓桿約5倍。