【Now財經台】華能國際電力(00902)日前出咗業績，上半年轉蝕逾32億人仔，股價今日一度升近5%，管理層噚日透露，火電業務將達至收支平衡，依家秦皇島5500卡動力煤現貨價約每噸1200人仔，事實上，動力煤價已企穩喺現水平近3個月，後市係咪會隨著煤炭供應增加進一步回落？
耀才證券研究部總監植耀輝指，煤炭價格對火電行業發展有決定性影響，如果燃煤成本高，電力股就冇運行，預期下半年將會較上半年顯著回落，預期會跌至1050至1060人仔。
Stanley又估計，火電企業下半年好大機會可以扭虧，但煤炭價格走勢仍須視乎發電狀況、需求及國際形勢，依家全球對資源需求增加，因而扯高煤價，所以煤價回落速度係咪合符預期仍要再觀察。
