【Now財經台】大成糖業(03889)股價今朝異動，高開14%後，升幅好快擴大至逾1倍，短短幾分鐘就由仙股升呢變毫子股，高見0.17元，但其後升幅收窄，但仍可守住毫子股。
大成指，由於目前負債多於現金，有逾9億元借貸要喺12個月內還清，迫切需要資金，公司今朝開市前出通告，指以每股0.1元，配股籌到約3055萬元，配股價較上周五收市價有28%溢價，呢個亦可能係股價今日大升嘅原因。
睇返大成財政狀況，今次配股集資對公司財政幫助好有限，但股價照大幅炒高，似乎投資者對前高層願意高價入股，成為第二大股東有啲期望，可留意後續發展。
