【Now財經台】海底撈(06862)計劃分拆海外業務上市後，有分析估計，分拆後海底撈股價會較為波動，但依家細節、定價都冇，所以都好難估計股價之後點走，但睇返海底撈基本面，6月翻枱率原本預期按月會跟隨疫情回穩，因為放寬咗限制措施，但內地疫情最近又反彈，好多地方再實施唔同程度嘅限制措施，海底撈業務係咪有機會再放緩？
股評人李偉傑認為，海底撈過往嘅叫糊位係快速擴張，同埋翻枱率都犀利，但疫情不確定性一直困擾餐飲股，海底撈最大問題係業務較單一，一直以打邊爐為主，雖然食客體驗度高，但忠誠度未必持續好耐，如果真係想行出一條新路，發展其他新品牌，先可以繼續吸引新食客。
佢又話，分拆對海底撈嚟講唔係壊事，但分拆出嚟嘅海外業務，會唔會受市場歡迎，呢個都要留意住。
