【now.com財經】唔怪之得呢幾日熱到熔啦，原來作打風！啱啱同我家肥貓睇新聞時，見到天文台話考慮今晚會發出一號戒備訊號，仍然都係話聽日會有狂風暴雨；係囉，唔知打幾多日呢？
今朝揀咗隻恒指熊(50814)出嚟，本來打算等五分鐘圖上指數行完「圓頂」向下破頸線之後先至出場，但等下等下「圓頂」都變「雙頂」，最後喺11點5分時見到指數確認向下穿「雙頂」頸線，吼呢個位入(50814)的話，以11點5分On top加10分鐘作為入市時間，以(50184)當時高低位做過0.076元/0.066元計，平均買入價為0.071元。
指數失「雙頂」頸線向下走，呢個如意算盤喺上半場都尚算打得響，要留意嘅只係當時其實整條保歷加通道都已經向下運行，先要小心指數有可能上破50分鐘線(五分鐘圖10線)，所以止蝕位要放到上100分鐘線(五分鐘圖20線)。
下半場開市，見指數仍然都係處於五分鐘圖保歷加下降通道運行，100分鐘線喺今朝早上半場臨完場前10分鐘至下半場返嚟首10分鐘，仍然做好「阻力嘅本份」；(50814)仍然以100分鐘線作為DT止蝕位。「咁止賺位呢？」除非個玩法係好明顯跟走勢嘅Swing Trade，否則我都好少Set止賺，呢啲彿系嘢通常可以見好就收。
這邊廂隻(50184)玩得咁開心，但那邊廂隻回歸Call就要率先收工。喺11點至12點期間，小時圖上保歷加通道中軸為22060點，對比返五分鐘圖就會見到正正就係入(50814)時要同步止蝕隻回歸Call(29349)。以入(50814)嘅同一時間，即11點5分至11點15分走隻(29349)，當時高低位做過0.132元/0.127元，平均走貨價為0.1295元，對比早兩日嘅平均買入價，還好平均輸1.89%。依家1點26分，見(50184)證價做緊0.077元，暫時均賺9.01%，好彩補得返。
【輪證贏家】Patreon唔經唔覺都行咗年半，內容上都需要有啲更新，今朝出咗新內容【看圖Pick股】會以每日最Update嘅Data去揀一啲個股出嚟，幫大家喺云云股海中可以縮窄到個範圍，就算唔炒市都可以專心玩股仔(Free的，隨時入嚟睇)；同時，為咗迎合大家唔同需要，作戰室推出輕量版，入去Patreon望下就明架啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
想入作戰室？Click呢度就得：https://www.patreon.com/cbbcwar
