【Now財經台】碧桂園(02007)、龍湖集團(00960)及美的置業(03990)獲監管部門選定為「示範民營房企」，今個星期會發行人仔債。雖然港股今日大升市，但3隻股份今日嘅走勢唔算太靚。
耀才證券研究部經理譚智樂指，噚日升得多，唔代表今日可以繼續升好多，今日嗰市暫時升600幾點，如果炒噚日當炒嘅股份，短線嚟講，係有機會跟唔足同唔升，但只要呢3隻內房股冇將噚日嘅升幅回套就冇問題，隨著佢哋完成發債，市場對內房開始有返信心，股價有機會再升上去。
Arnold提醒，要留意發債規模，如果睇金額，對呢3家內房嚟講都唔係「救命錢」，發債等同象徵式跟市場講「公司仲有條融資渠道」。內房債務問題困擾市場近兩年，依家叫做有返正常融資活動，只要手頭上嘅二手債唔再比人拋售就ok。
