【專家分析】萬國數據只會愈沽愈低？

【Now財經台】萬國數據(09698)股價今日(28日)顯著受壓，一度重挫12%，險守24元關口，原因係集團擬發美元債及美國存托股(ADS)，集資逾1億美元，今日一跌，已蒸發晒上周業績後嘅升幅，公司基本面係咪冇乜憧憬，加上業績「見紅」，市場係咪對萬國已失去信心？

元宇證券基金投資總監林嘉麒指，業績因素係萬國股價持續低迷嘅主要「死因」，其次係CB條款，當換股價相近，手持萬國正股或CB嘅投資者，就有好大誘因沽爆佢，加上萬國基本面比較差，業績唔掂，投資者就更加可以沽低啲，估值都會畀低啲。