【槓桿致勝】阿里資金持續流入好倉

【Now財經台】阿里巴巴(09988)股價連升4個交易日後，今日(24日)反覆靠穩，一度高見121.8元，升不足1%。市傳阿里將推首款自研人工智能(AI)眼鏡，而阿里雲百鏈已上線最新AI編程大模型。今朝較受歡迎嘅CALL，行使價介乎130至140元，槓桿約4倍，應該點揀好？

中信證券國際股權衍生品銷售經理李佳原指，阿里資金近日持續流入好倉主要有兩個原因，首先係股價相對落後，仍未上返今年高位，加上AI方面有利好消息，吸引資金流入。至於今朝較熱門嘅CALL，槓桿大部分逾6倍，屬於較貼價、中年期選擇，條款算唔錯。