【槓桿致勝】百度CALL點部署？
【分析】 2025/07/16 12:34
【Now財經台】百度集團(09888)旗下「蘿蔔快跑」計劃同Uber合作，將幾千架無人駕駛汽車接入Uber嘅全球出行網絡，百度股價繼昨日(15日)炒上後，今早(16日)再高開逾4%，企穩幾條主要移動平均線之上，其後升幅一度擴大至5%，高見92.1元。受歡迎嘅CALL包括今年12月及明年6月到期，槓桿3倍至5倍，價外幅度介乎6%至87%，點揀會較值博？
華泰金融控股(香港)股票衍生品經理溫蕎菲指，百度受惠於人工智能(AI)概念急升，百度「蘿蔔快跑」同Uber合作，憧憬未來將市場擴至全球，百度美國存托憑證(ADR)昨晚最多升近10%，本港股價今朝一度升5%，而過去5日有逾280萬元資金博好倉。
佢建議，投資者可留意行使價120元，9月底到期嘅條款，實際槓桿做到10倍。Chelsea又提醒，要留意喺AI激烈競爭中，幾時會對業績有實際貢獻。
