【槓桿致勝】阿里CALL/PUT點揀？

【Now財經台】阿里巴巴(09988)上季斥資逾8億美元，回購5600萬股普通股，阿里股價連日受壓，暫時已4連跌，失守10天線後，今早(3日)再輕微低開0.5%，開市報108.8元，其後跌幅一度擴大至3.8%，低見105.2元。阿里好倉連日有資金流入，5日合計有5240萬元坐貨，資金今朝係咪繼續偏向流入好倉博反彈？熱門CALL或牛證應該點揀好？

滙豐亞太區財富管理香港上市產品銷售經理盧貴良指，阿里股價今朝跌幅係ATM之中最大，輪證資金已差不多連續10個交易日流入CALL輪，佢建議，投資者可以留意行使價約125元，11月到期，實際槓桿做到7倍，呢類較保守嘅CALL。

牛證方面，Daniel建議做較保守部署，始終阿里股價已跌到1個月低位。此外，睇淡嘅投資者，揀PUT輪可以留意行使價93元，10月到期嘅條款。