【輪證贏家】貼價恒指熊追小時圖STC

【now.com財經】上個星期五(3月7日)指數高位做過24,669點，喺五分圖上見高位出「射擊之星」都知佢唔好惹，清咗注恒指食咗11%之後指數真落到24,132點先識停。雖然尾段時間指數有見爬返高少少嘅位置，不過喺日線圖上又見到疑似「陀螺」/肥咗嘅「墓碑十字星」物體。

作戰室有戰友重新再準備多次過夜淡倉；至於即日方面，依家9點49分，恒指有見倒升高位上到24,292點，同小時圖10線位相約後出上影線兼依家已經出現「射擊之星」形態，但可惜佢唔係喺高位，如果唔係應該向下落會再狠啲，anyway，作戰室即市淡倉亦已開出。

10點前指數最低見過24,016點，作戰室淡倉當然已經爬咗啦，睇文嘅你望住個小時圖先，依家指數處於小時圖嘅10/20線之間，所以作戰室注淡倉借住條10線，向下睇住條20線之餘，都仲諗緊佢係借保歷加上升通道行Swing Trade，還是係借整條保歷加通道嚟行Swing Trade。

10點後終於都見到指數唔過小時圖10線向下，同時有向中軸線方向走，呢個位的確係即市淡倉走貨位，如果指數向下穿得過條中軸的話，恒指熊(60994)，收回價24,500點，同現價有約500零點，今日新上市先係無街貨先啦，埋佢都算係貼價熊，所以槓桿有約48.17倍，DT嘢夠架啦！

依家10點18分，指數跌幅擴大至逾300點，報23,921點，小時圖上見指數開始向下穿過10線，Slow STC(14.3)兩線未到超賣，但五分鐘圖一早到咗啦，留意保歷加通道口拓闊嘅程度啦，如果頂線向下或有所收窄的話，咁隻(60994)小心指數可能見觸底而要捱一捱捱價。

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar