【now.com財經】噚日揀咗隻恒指熊(60994)，喺噚日上半場入咗貨之後，下半場見小時圖Slow STC(14.3)兩線落返去超賣，達成咗出(60994)嘅目標，平均勁食43.1%。
今朝起身睇新聞，最吸睛條Alert都莫過於隔晚美股大跌近900點，原因係咩?!嘿~應該都唔係重點，早兩年美國科技股升到上天，你估無原因咩!
不過咁，啲呢大裂口出現通常喺啲圖上面都係會見到一步到位嘅情況，喺作戰室一路開圖度住線，一路同戰友講有淡倉在手嘅，開市個裂口先掟走食咗先啦。
今日啲走勢圖有啲乜?!先係日線圖20線未到嘅，但同開市價爭120零點到步，真心呢條線唔好輸，因為佢一輸，日線圖成個升勢即刻玩完。
第二條比較緊要嘅係小時圖條100線，3月4即係上個星期二，指數有見向下落到100線後接得住，跟住重新再比返個上行走勢出嚟。而今朝開市口價同100線幾享重疊
所以今朝作戰室第一注DT其實係好倉捉低開高走，依家9點56分，指數跌幅收窄至200零點，指數由頭先mark住嘅日線圖20線/小時圖100線，已經向上走返上一線量度線，即日線圖10線/小時圖50線；比多條五分鐘圖10線。作戰室清晒第一注好倉等10點睇下會發生咩事。
10點後見上文數住嘅頂線位唔過，作戰室淡倉亦都開出，睇文嘅你同平時一樣用小時圖去做Trade嘅話，依家10點7分見指數未過50線，不過擺位上都有見貼住50線嘅，保歷加通道口有見收窄，Slow STC(14.3)兩線觸底都明顯，呢啲位安全嘅其實都真係等指數過到線先至再博好倉上去，反正上面仲有多條10線向下中，分分鐘今日都真係用50/100線嚟做Swing。
恒指牛(60999)，收回價22,950點，同現價有約600點，企到咁遠都仲有35.2倍槓桿，夠玩DT就得架啦，過到小時圖50線再博上嘅先至出，小心頭頂條10線。
反過來唔過50線，甚至係你睇完文之後10線有上到但唔穿嘅話恒指熊(61583)，收回價24,000點，都只係借個齊口位嚟啫，槓桿有約43.6倍同樣夠做DT。
預咗今日可能行區間啦！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
