【騰訊有投資】B仔新股維立志博孖展超購逾3000倍

【now.com財經】雖然近期新股表現冇之前咁靚仔，但散戶仍然好積極入飛抽新股。

內地創新藥物研發企業維立志博(09887)公開招股部分，已經喺昨日(22日)中午截飛，綜合市場資料，券商最少借出逾3300億元孖展，以公售部分集資額計，超額認購逾3000倍。

集團今次港IPO引入咗9名基石投資者，合共投資逾5億元，股份設有個月禁售期，9名基投包括騰訊控股(00700)旗下公司、LVC實體、TruMed及易方達基金等。

維立志博預期周五(25日)首日掛牌買賣。