【外賣燒錢戰！】美團、阿里一日燒錢16億人仔？

【now.com財經】內地外賣平台為咗搶定單，令「補貼戰」不斷升級，美團(03690)及阿里巴巴(09988)旗下淘寶閃購再發動銀彈攻勢搶生意。

喺過去兩個周末，發放「零元外賣」券及滿減紅包券，刺激定單飆升，據內媒報道，單計上周六(12日)嘅「超級星期六」，美團及阿里合共燒錢逾16億人仔。呢16億人仔點燒？美團單日補貼最多4億人仔，淘寶閃購就燒咗逾12億人仔。

不過，今年先加入打「外賣戰」嘅京東集團(09618)日前指，「零元外賣」係性競爭，公司冇參與。

京東最新報128.1元，升2.8%。

阿里最新報115.3元，升2.4%。

美團最新報127.3元，升1.4%。