【now.com財經】噚日無乜點睇市，因為卡住喺192XX點呢個位都卡咗成大半日，所以轉陣去咗睇騰訊(00700)，同時揀定咗隻騰訊牛(66164)，惜基於噚日上晝出文後已經到咗個目標價，作戰室先食嘅同時，喺呢度唯有重新再等位再入，一如平時用返五分鐘圖嘅Slow STC(14.3)落返去超賣位見觸底後落場，簡單的Swing Trade一趟算數。
睇返噚日嘅騰訊五分鐘圖，喺下半場1點35分見已Slow STC(14.3)兩線已經落到20以下嘅超賣範圍，(66164)響起落場訊號訊，及至1點55分見觸底上行，咁呢段時間就係出(66164)嘅位啦，按期內(66164)高低位做過0.074元/0.073元，平均買入價為0.0735元。
其後大約喺2點50分，見返Slow STC(14.3)兩線上到超買位，Swing Trade嚟計(66164)已經可以起身；不過(66164)實數都只係見0.076元/0.075元，平均走貨價見0.0755元，呢一趟平均食兩格或2.65%。但係，如果呢一注你選擇過夜嘅話，依家9點51分，(66164)證價做緊0.083元，假設依家走隻(66164)的話，平均執9.5格或12.93%，又收得工啦喎。
作戰室今朝一開之市都掟晒啲好倉出去，10點未到收割晒啲好倉再講緊去邊度旅行，全線提早放假Mode。
2分鐘之後先10點，見五分鐘圖上1965X出咗個「平頂」之後向下回落，同步有似「圓頂」生成，作戰室偷位淡倉進行中。
換上小時圖則見指數有重新再爬返上100線樓上，恒指牛(67075)，收回價19064點，同現價有約555點距離，槓桿有約29.3倍，借五分鐘圖10線企到而出動的話，博指數於五分鐘圖用保歷加頂線同10線行Swing trade運行，同時博小時圖企得返上100線後，保歷加通道口拓闊比到條件Slow STC(14.3)出超買再超買。
少少準備指數喺高位出區間橫行，畢竟佢都上咗300幾點，隨時企唔住小時圖100線的話，揀定隻收回價20,000點嘅熊證做反手啦，即係(65657)，收回價咪20,000點囉！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
