【專家分析】騰訊《王者萬象棋》有望成新吸金王？

【Now財經台】騰訊控股(00700)旗下《王者榮耀》IP衍生英雄策略對戰遊戲《王者萬象棋》，又稱《王者榮耀:ACE》，手機及PC版同步推出，截至剛過去周日(13日)止，《王者萬象棋》上線第4日已打入中國iOS遊戲暢銷榜第5位，滙豐證券估計，《王者萬象棋》首12個月總流水達36億人仔，反應係咪真係可以咁理想？

元宇證券大中華區股票投資總監趙晞文指，市場唔太擔心騰訊嘅核心業務，騰訊幾隻王牌遊戲嘅整體流水，喺過去幾年表現好，而王牌遊戲嘅升級版推出，可以增加下半年，甚至推出後1年嘅整體收入存在增量空間。

他續稱，騰訊下半年遊戲業務表現，應該要去到第4季先可以全面反映，唔排除表現可以為市場帶嚟驚喜。