【股市脈搏】藍月亮冇計改善業績咪亂撈

【Now財經台】藍月亮集團(06993)昨日(16日)收市後發盈警，預期上半年蝕逾6.6億元，虧損按年擴大約3倍，將成為集團上市以來最差嘅半年成績表，藍月亮今朝(17日)開市即急插近10%，低見1.73元，但低位有資金追入，逐步收復失地兼倒升，收市升逾6%，收報2.04元。

藍月亮股價今日跌至接近歷史低位，即1.62元水平，低位有買盤掃返高，下影線好長，RSI都開始超賣，加上公司近乎零負債，又坐擁70億元現金，所以吸引到資金撈底，不過，管理層除咗燒錢谷收入外，似乎冇乜板斧改善業績，藍月亮似乎都唔係一隻好股。