【專家分析】「國家隊」再出手龍頭央企贏開巷

【Now財經台】繼去年12月出手買入央企指數科技基金後，「國家隊」國新投資昨日(19日)再出手，宣布認購港股通央企紅利交易所買賣基金(ETF)，又話堅定看好在港上市央企。呢個港股通紅利指數，追蹤50家在港上市央企，成分股包括中國海洋石油(00883)，中國石油股份(00857)等龍頭企業，「國家隊」再出手，係咪對港股龍頭央企特別利好？

鴻鵠資產管理行政總裁陸庭龍指，雖然內房危機仍未解決，內地車企及科技行業又面對歐美制裁，短期而言，經濟基本面改善空間唔大，今次「國家隊」直接出手買ETF，包括國企及H股ETF，同整體投資氛圍一樣，當經濟前景愈唔明朗，二三線股或民企面對嘅風險較大，反觀央企及國企股屬壟斷性行業，基本面會比民型強，而央企現金流亦比經濟壓力特別大嘅民企好，因此，若「國家隊」入市支持或表態，呢啲龍頭股或ETF一定係首選，一般投資者都會留意呢啲股份及ETF。

Alan續指，睇返過去兩個月，當恒生指數反彈時，升得最多都係能源類股份，仲有金融股及個別龍頭科技股，整個格局都係咁。