【槓桿致勝】揀比亞迪長身CALL博反彈

【Now財經台】比亞迪股份(01211)計劃今年推出公司首款電動農夫車，不過，今日(5日)股價反覆偏軟，暫時50天線仍有支持，比亞迪好倉連續4日有資金流入，5日合計，有1000萬元資金坐貨，邊類條款較受歡迎？

法興銀行證券上市產品銷售部董事周翰宏指，最近比亞迪走勢差咗，資金可以試下博比亞迪企穩50天，再反彈到之前短期平均線以上，要彈上210元水平，先可以完全收復失地，但由於市況轉弱，所以會有一定難度，投資者需注意逆市部署風險。

Horace又話，投資者揀嘅條款唔算價外，CALL輪價外10%至20%，年期都夠長身，時間值損耗唔算大，以行使價220至240元嘅條款為例，今年9月至年底到期，槓桿僅約5至6倍，不過，如果有投資者入咗場，想博比亞迪較長時間內反彈，呢類條款都消耗得起。