【槓桿致勝】揀騰訊短身CALL

【Now財經台】市傳騰訊控股(00700)將會為蘋果公司(Apple Inc.)Vision Pro提供重要應用程式，股價暫時連升兩日，一度衝上今年高位307.6元，市場上嘅短身CALL，6月到期，價外12%，槓桿可以做到11倍，超過100日先到期嘅長身CALL，行使價就價外17%，槓桿約7倍，邊樣較值博？

瑞銀亞洲股票衍生產品銷售部李梓維指，騰訊股價升穿288至300元阻力區，會令投資者想部署好倉，雖然資金流方面，整體淡倉流入，但好倉方面，投資者普遍會因為期望短線突破後會衝多幾蚊，因而揀短身CALL或貼價牛證，攞高啲槓桿。

Alvin又話，比較多部署CALL嘅投資者留意6月到期，行使價高過250天線，甚至到密集區340元附近，槓桿約12倍嘅條款，而用牛證部署，貼價牛證喺284元至285元水平，槓桿10至11倍，反而冇CALL輪咁高，所以揀短身CALL嘅槓桿會高少少。