【財經TOP SEARCH】 散戶趁小米出新車獲利回套？

【Now財經台】截至早上11時止，過去1小時內《彭博》用戶搜尋量最多港股，依次為小米集團(01810)、XL二南方海力士(07709)、普拉達(Prada)(01913)、聯想集團(00992)及建滔積層板(01888)。

小米「澎程」系列SUV將會喺9月正式上市，摩根士丹利估計定價吸引，N70由20萬人仔起，N90最平25萬人仔，再加上設計創新料銷售反應理想。高盛更預期，小米新車定價會對內地汽車市場帶來顛覆性影響。雖然兩大行睇好，但點解小米股價今日(31日)一度瀉逾10%？

大華繼顯執行董事梁偉源指，小米新SUV定價策略吸引，最貴賣30萬人仔，雖然估計銷量唔差，但利潤率可能有限。今日人工智能(AI)及半導體股大反彈，小米股價近期升咗唔少，出新車或引發獲利回套，亦反映資金流出小米重投AI板塊。Steven又提醒，如果市場持續關注AI及半導體板塊，小米股份有可能未跌完。