【槓桿致勝】CALL騰訊做中線部署揀咩條款？

【Now財經台】騰訊控股(00700)股價連升4日後，今日(31日)跟大市輕微低開，之後一度低見462元，跌2%，但其後拗腰向上，曾高見477.4元，倒升逾1%。騰訊好倉連續4日有資金食糊，5日合計，有逾8000萬元離場，好友最新點部署？淡倉資金相對冇咁積極，5日合計，有逾580萬元流出，淡友係咪繼續坐貨？

法興證券上市產品銷售部策略師鄭慧兒指，近期都keep住有資金開好倉，騰訊CALL輪近排較多人揀，見到近期波幅略為收窄，引伸波幅就微跌，定價就相對平，較活躍嘅CALL輪條款，行使價約560元，11月到期，亦有明年1月初到期，行使價約525元，都較多投資者留意。